ឯកឧត្តមបណ្ឌិត ហ៊ុន សុខា ជាទីប្រឹក្សាសម្តេចតេជោ ក្នុងឱកាសបុណ្យចូលឆ្នាំថ្មី បានដឹកនាំក្រុមការងារចុះទទួល និងសួរសុខទុក្ខ សកម្មជនគណបក្សប្រឆាំង ១៨៤នាក់មកពីឃុំទាំងបី នៃស្រុកអង្គរជ័យ នៅទីស្នាក់ការគណបក្សមូលដ្ឋានឃុំអង្គរជ័យ

នាថ្ងៃអាទិត្យ ទី១២ ខែមេសា ឆ្នាំ២០២៦ ក្រុមការងារចលនាកសាងសមាជិកគណបក្សនៅមូលដ្ឋានខេត្តកំពត ក្រោមអធិបតីភាពដ៏ខ្ពង់ខ្ពស់របស់ ឯកឧត្តមបណ្ឌិត ហ៊ុន សុខា ជាទីប្រឹក្សាសម្តេចតេជោ ហ៊ុន សែន និងជាប្រធានក្រុមការងារ ក្នុងឱកាសបុណ្យចូលឆ្នាំថ្មី ឆ្នាំមមី អដ្ឋស័ក ពុទ្ធសករាជ ២៥៧០ ដែលនឹងឈានមកដល់នៅពេលខាងមុខ បានដឹកនាំក្រុមការងារចុះទទួល និងសួរសុខទុក្ខ សកម្មជនគណបក្សប្រឆាំង ១៨៤នាក់ មកពីឃុំភ្នំកុង ឃុំអង្គរជ័យ និងឃុំចំប៉ី ស្រុកអង្គរជ័យ ខេត្តកំពត នៅទីស្នាក់ការគណបក្សមូលដ្ឋានឃុំអង្គរជ័យ ដោយមានការចូលរួមពីគណៈកម្មាធិការគណបក្សស្រុកអង្គរជ័យ គណៈកម្មាធិការគណបក្សមូលដ្ឋានឃុំទាំងបី និងកងកម្លាំងសរុបចំនួន ២១៦នាក់។

ក្នុងស្មារតី "រួមគិត រួមធ្វើ រួមទទួលខុសត្រូវ" យើងប្ដេជ្ញាចិត្តបន្តសកម្មភាពចុះជួបបងប្អូនប្រជាពលរដ្ឋដល់ខ្នងផ្ទះ ដើម្បីពង្រីកមូលដ្ឋានគាំទ្រ និងរក្សាសាមគ្គីភាពឱ្យកាន់តែរឹងមាំ ស្របតាមគោលការណ៍ "រក្សាចាស់ បង្កើនថ្មី"។

សូមគោរពដឹងគុណយ៉ាងជ្រាលជ្រៅ ចំពោះការដឹកនាំប្រកបដោយ ចក្ខុវិស័យវែងឆ្ងាយ និងគតិបណ្ឌិតរបស់ សម្តេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជា និងជាប្រធានព្រឹទ្ធសភា នៃព្រះរាជាណាចក្រកម្ពុជា និងសម្តេចមហាបវរធិបតី ហ៊ុន ម៉ាណែត អនុប្រធានគណបក្ស និងជានាយករដ្ឋមន្ត្រី នៃព្រះរាជាណាចក្រកម្ពុជា ដែលបាននឹងកំពុងដឹកនាំអភិវឌ្ឍប្រទេសជាតិ ប្រកបដោយមាគ៌ាច្បាស់លាស់ ដោយបានតម្កល់ផលប្រយោជន៍ជាតិ និងប្រជាជនជាអាទិភាព ឆ្លើយតបទៅនឹងបញ្ហាប្រឈមនានា នៃស្ថានការណ៍ជាតិ និងអន្តរជាតិ។

#កម្ពុជា #Cambodia

-អរគុណសន្តិភាព !

-អរគុណនយោបាយឈ្នះឈ្នះ !

-ដឹងគុណស្ថាបនិក មគ្គុទ្ទេសក៍ឯក និងប្រតិបតិ្តករ នយោបាយ ឈ្នះ ឈ្នះ ដែលនាំមកនូវសន្តិភាព និងការឯកភាពជាតិពេញលេញ !